Azaroaren 18rako protesta berriak iragarri dituzte<!--- 

Gaur, azaroak 4, Bizkaiko Arte Grafikoen sektoreko Negoziazio Mahaiaren 32. bilera egin da. Bertan UGT, ELA, LAB eta CCOO sindikatuek eta Cebek patronalak parte hartzen dute. 

Bileran, sindikatuek LGTBI kolektiboaren aldeko neurriei buruzko proposamenak aurkeztu dituzte, eduki horiek hitzarmen kolektiboetan txertatzeko legezko betebeharra betez. Hala ere, Cebek patronalak uko egin dio aldarrikapen horri ekiteari, negoziazioan erabateko blokeoa mantenduz beste edukietan ere. 

Cebekek mantentzen du 2012tik pilatutako erosteko ahalmenaren galeraren erdia baino ez duela estaltzen soldatak eguneratzeak. Gainera, konpentsazio eta xurgapen klausula bat sartzea proposatzen du, sektoreko enpresa askotan benetako igoerak eragotziko lituzkeena, eta, aldi berean, eskubide kontsolidatuak murriztu nahi dituena, hala nola errelebo-kontratuarena. 

Bileran tentsioa areagotu egin da patronalaren ordezkariak bilera amaitu baino lehen mahaia utzi duenean, eta ondoren adierazi du ez direla berriro negoziatzera eseriko, sindikatuek abenduaren 5a proposatu badute ere hurrengo data moduan. Sindikatuen ustez, jarrera hori Â«ez da oso serioa, eta erabat arduragabea daÂ». 

Egoera horren aurrean, UGTk, ELAk, LABek eta CCOOk dei egin diete langileei eta militantziari gaur PRECOren egoitzan kontzentratzeko, bertan egin baita bilera. Era berean, azaroaren 18an beste mobilizazio bat egingo dutela iragarri dute, sektorean erreferente den enpresa baten aurrean, eta datozen hilabeteetan ekintza gehiago egingo dituztela, Cebek hitzarmen duin baten alde presionatzeko. 

Azkenik, lau sindikatuek iragarri dute bilera formal bat eskatuko dutela Cebekeko presidentearekin, zeina Bizkaiko Arte Grafikoen patronalaren presidentea ere baden, gatazkari irtenbide arduratsua ematea eskatzeko.  

Visitas: 3 <!---

Categorías

Poblaciones

Sindikatuek patronala presionatzen jarraituko dute, Bizkaiko arte grafikoen negoziazioa berpizteko