Museoak berdintasunaren alde: aniztasuna eta inklusioa.Azken aste hauetan egin dugun bezala, Artium Museoaren ospakizuna konektatuta partekatzera gonbidatzen zaituztegu, Bildumari, dokumentu-ondareari, erakusketei eta hezkuntza-lantegiei online begiratuz, eta laster, oso laster, ekainaren 2an, Gema Intxaustiren, Juan Luis Morazaren, Elena Mendizabalen eta Bildumaren (Zeru bat hamaika bide) erakusketekin berriro topo egingo dugulakoan.- #Bilduma baterako hashtag-ak  
- Bideo-lantegiak  
- 2006ko Dokumentazio Topaketak gogoan
- Erakusketa: Zeru bat, hamaika bide  
- Erakusketa: Gema Intxausti  
- Erakusketa: Juan Luis Moraza  
- Erakusketa: Elena Mendizabal  
- Magnet-Erakarri proiektua

Museoen Nazioarteko Eguna 2020, Artium Museoan

Datorren astelehenean, maiatzak 18, Museoen Nazioarteko Eguna ospatuko da, ICOM museo kontseiluak bultzatuta. Efemeridearen helburua honako hau da: museoek kulturen arteko trukerako eta horiek aberasteko duten garrantziaz jabetzea, bai eta herrien arteko elkar ulertzea, lankidetza eta bakea garatzeko duten garrantziaz ere.  1977an sortu zenetik, ekitaldi honek hedapen handia lortu du, eta gaur egun 90 herrialdetan baino gehiagotan egiten da, museoen lana eta garrantzia jendeari hurbiltzeko.«Museoak berdintasunaren alde: aniztasuna eta inklusioa», hori dugu aurtengo edizioko gai orokorra; hori horrela, Kultura Departamentuak ondarea herritarrengana hurbildu nahi du, eta bereziki nabarmendu nahi du museoek balioak azaleratzeko eta bizikidetza bultzatzeko duten egiteko garrantzitsua. Hori helburutzat hartuta, «Gipuzkoako Museoak» web plataforma sortu da, Gipuzkoako 70 museo eta interpretazio zentrotarako sarbidea ahalbidetuko duen webgunea, eta baliabide giltzarria izango dena gipuzkoarren artean gure ondare historikoa ezagutarazteko.   Plataformak Gipuzkoako kultur ondarearen baliabideak biltzen ditu, eta herritarrei aukera ematen die Gipuzkoako museoen eta interpretazio zentroen agenda kontsultatzeko, eta horien albiste nagusiak eta Gipuzkoan zehar egin daitezkeen hainbat ibilbide kultural ezagutzeko. Plataforma hori Gipuzkoa Kulturaren web orrian egongo da: www.gipuzkoakultura.eusHarkaitz Millan Kultura diputatuak museoek duten egiteko garrantzitsua eta horien edukiak hurbiltzearen beharra nabarmendu ditu.  «Museoen ondarea zabaltzea lagungarria zaigu gure historia herritarrengana hurbiltzeko eta gaurkotasuna eta bizi dugun oraina hobeto interpretatzeko». Testuinguru horretan, Foru Aldundiko arduradunak Zumalakarregi Museoak garatutako «Migrazioak» bezalako proiektuen balioa azpimarratu du; proiektu horretan, gogoeta egiten da euskal emigrazioak XIX. mendean izan zuen eraginari buruz eta gaur egun Euskal Herrian immigrazioak irudikatzen duenari buruz. Proiektu horretan, ikasleek eta 25 nazionalitatetako migratzaileen kolektiboek parte hartu dute. Millanen hitzetan, «"Migrazioak" bezalako proiektuek agerian uzten dute museoek oztopoak gainditzeko, gizartea interpelatzeko eta aniztasunari eta berdintasunari buruzko hausnarketa sustatzeko duten gaitasuna, bizikidetzarako ezinbestekoak baitira». «Migrazioak» Zumalakarregi Museoaren laborategi gune berriaren lehen proiektua da. XIX. mendeko gure historiaren azterketatik abiatuta, orainaldiko gaiei buruz hausnartzeko asmoarekin sortu zen, eta belaunaldi gazteenen artean pentsamendua eta kontzientzia kritikoa eragin nahi ditu.Museoen Nazioarteko Eguneko ospakizunen artean, proiektu horretaz gain, Igartubeitik, Euskal Itsas Museoak eta Zumalakarregi Museoak programa oparo bat eskainiko dute. Antolatu dituzten ekimenen artean, «Museoa Dastatu! ¡Saborea el Museo!» gailentzen da: Gastronomiaren bidez, kultura aniztasunaz eta dibertsitateaz hausnartuko dute, gure ondarera beste ikuspegi batetik hurbiltzeko. Azken finean, gure kultura gastronomikoaren osagai asko oso urrutitik etorri dira eta aniztasun kulturalaren ondorio dira, eta, hala, museoek kulturen arteko topagune izan nahi dute.«Museoa Dastatu!» ekimenaren barruan, objektu bat lotzen da, bideo baten bidez, sukaldean erabiltzen dugun errezeta edo osagai batekin. Horrela, hiru zentroak hurbileko sukaldaritzako adituengana hurbildu dira, beren sekretuak eta jakintza konta diezazkieten. Sukaldaritzako eta gozogintzako hiru pertsona aski ezagunekin hitz egingo dute. Euskal Itsas Museoaren kasuan, Ander Gonzalez Lasala Plaza hoteleko La Jarana tabernako aholkulari gastronomikoarekin. Igartubeiti baserri-museoak Ezkioko Argindegi jatetxeko Josu Landarekin. Eta, azkenik, Zumalakarregi museoa Rafa Gorrotxategi gozogilearekin izango da, Pernan Goñi ilustratzaileak lagunduta. Solasaldi horiek Museoen Nazioarteko Egunean estreinatuko dira, maiatzaren 18an, museoen web orrietan. Aldi berean, lehiaketa bat ere abiaraziko da, jendeak parte har dezan. Ekimen honetan parte hartzea erabakitzen dutenek beren errezetarik originalenak bidaliko dituzte, proposatutako osagaietatik abiatuta eta osagai berriak gehituz, bideo, irudi eta audio formatuan. Errezeta guztien artean sari oparoak zozkatuko dira. Lehiaketak bi asteko iraupena izango du, eta parte hartzeko informazio guztia museo bakoitzaren webgunean egongo da eskuragarri.COVID-19ak eragin duen osasun larrialdia dela eta, jarduerak bi fasetan egingo dira: lehenengo fasea maiatzaren 17tik 24ra bitarteko astean, formatu digitalean, eta, bigarrena,  azaroaren 14tik 16ra bitartean, aurrez aurreko jarduerekin.

Museoen Nazioarteko Eguna 2020, Gipuzkoako museoetan

San Telmo Museoak "2020. Pandemiaren lekukotzak: gure orainaren antropologia" proiektua jarriko du martxan gaurtik aurrera, koronabirusaren pandemiaren krisiarekin lotutako testigantzak eta bizipenak biltzeko. Ekimen hau maiatzaren 18tik ekainaren 18ra bitartean egongo da martxan.Euskal gizartearen museo gisa, San Telmo Museoak ezin du ez ikusiarena egin COVID-19ak eragindako pandemiaren ondorioz gizartea bizitzen ari den aurrekaririk gabeko egoeraren aurrean, eta hausnarketa sustatzen lagundu nahi du osasun-mehatxuak egungo gizartean izan duen eraginari buruz eta pandemia osteko gizartearen eraikuntzan izango duen zereginari buruz.Hala, San Telmo Museoak bat egin nahi du Gaztela eta Leongo Etnografia Museoaren "2020. Testimonios de una pandemia: antropología del presente" ekimenarekin, eta bizipenak museoarekin partekatu nahi dituzten pertsona eta kolektibo guztien lekukotasunen bilketa jarri du abian, gizartea bizitzen ari den ohiz kanpoko osasun-alertaren egoera biltzen dutenak.Lekukotza horiek argazkiak, bideoak, abestiak, poemak, marrazkiak, kontakizunak, eskulanen irudiak... izan daitezke, formatu digitalean, planteatutako gaiei erantzuna ematen dietenak edo krisi honetan bizitako sentimenduak eta emozioak adierazten dituztenak. Izaera sortzaileko testigantzak edo izaera narratibogokoak izan daitezke.Informazio gehiago eta parte hartzeaMuseoen Nazioarteko Egunari lotutako ekimenaLekukotzak jasotzeko epea Museoen Nazioarteko Egunean hasiko da, maiatzaren 18an. Aurten egun honi "Museoak berdintasunaren alde: aniztasuna eta inklusioa" gaia jarri dio ICOMek (Museoen Nazioarteko Kontseilua) eta San Telmo Museoak leloarekin bat egiten duen proiektu honen bidez biziko du data hau.Pandemiak gizarte heterogeneoa osatzen dugun pertsona guztiei eragin digu. Hala ere, guztiak zaurgarriak garen arren, eta konfinatu egin behar izan garen arren, desberdin bizitzen ari gara ingurunearen, egoera partikularren eta izateko eta sentitzeko moduen arabera.Ondare kolektibo immaterialaBildutako materialekin askotariko artxiboa osatuko du San Telmo Museoak eta, zalantzarik gabe, oso baliagarria izango da egungo eta etorkizuneko antropologo, soziologo eta historialarientzat, gure gizarteak krisi sanitario hau nola bizi izan duen ezagutu eta aztertu nahi dutenentzat. Era berean, etengabe aldatzen ari diren errealitate berrietara egokitzeko pertsonek eta gizarteak duten gaitasunari buruz hausnartzeko eta eztabaidatzeko balioko du.Jasotako materialen arabera museoak zabalik uzten du aurrerago erakusketa birtual eta/edo presentzial bat egiteko aukera.

San Telmo Museoak "2020. Pandemiaren lekukotzak: gure orainaren antropologia"

Nazioartean aktore eta modelo gisa ibilbide luzea duen Jon Kortajarenak aitortzen digu Jean-Michel Basquiat-en Napoliko gizona (1982) aukeratu duela lan horrek duen indarragatik. “Mezu ironikoez betetako lana da eta laurogeiko hamarkadako New Yorkeko kaleak gogorarazten dizkizu”.Bideoa ikusi hemen.

#GuggenheimBilbaoLive: Jon Kortajarenak Museoan gogokoen duen margolana

TENTUk doako “Iragarki-Taula” abian jarri du Euskadiko eta Nafarroako udalerriz antolatuta.

Hemendik aurrera nahi duzun iragarkia txertatzeko aukera izango duzu.

Bilatu ezazu txintxetaren ikurra (📌) TENTUren alboko nabigazio-menuan eta, aukeratutako herrien arabera, iragarki-taulara iritsiko zara.

Izan itzazu aukera berriak eskura zure udalerriko iragarkien bitartez.

Aitor Orobengoa

TENTUk doako “Iragarki-Taula” abian jarri du Euskadiko eta Nafarroako udalerriz antolatuta.

Bebel Gilberto abeslari eta konpositore brasildarrak mundu osoko zale eta kritikariak liluratu ditu bere erritmo sentsual eta bossa nova elektronikoarekin, 1986an bakarkako debuta egin zuenetik. João Gilberto eta Miúcharen alaba eta Chico Buarqueren iloba denak disko berria aurkeztuko du.

Bebel Gilberto

Maiatzaren 18an Museoen Nazioarteko Eguna ospatzen da. ICOMek (Museoen Mundu Kontseilua) antolatzen du ekitaldi hori, eta urtero Bizkaiko Foru Aldundiak parte hartzen du, lurraldeko museoekin batera. Aurten ere efemeride hori ospatzen da, eta modu berezian. Foru erakundeak erakusketa birtual bat antolatu du, lurraldeko museo bakoitzaren pieza enblematiko, esanguratsu eta garrantzitsuenetako batzuk biltzen dituena.Hogeita hamar museok baino gehiagok objektuak eta piezak 'utzi' dituzte erakusketa birtual honetarako, eta maiatzaren 18tik aurrera ikusgai izango da www.museoeneguna.eus plataformaren bidez.Erakusketa birtualeko bisitaria erakusketa osatzen duten piezen multzora sartu ahal izango da, baita lanei buruzko informazioa eskuratu ere. Ikus-entzunezko hainbat baliabide eskuratzeko aukera ere badago, aukeratutako pieza zehatzago ezagutu ahal izateko.Erakusketa maiatzaren 18tik aurrera izango da ikusgai eta hilaren amaierara arte bisitatu ahal izango da.Aukera paregabea da lurraldeko museoetako altxorrak bisitatzeko, eta lan horien bidez gure historiaren, tradizioaren, ohituren, aisiaren, kulturaren, sinesmenen, ekonomiaren, artearen eta kirolaren alderdiak ezagutzeko. Erakusketak antzinako hainbat osagai biltzen ditu, gai askori buruz hitz egiten digutenak: Bizkaiko lehen biztanleak, lanbideak, arrantza, errementaritza, meatzaritza, ontzioletako lana eta jarduera industrialagoak... Piezek gerraz eta bakeaz hitz egiten dute, landa-guneetako bizitzaz eta herribildu eta hirietako bizitzaz. Athleticez, ardoaz eta animaliez. Eta jakina, euskarari buruz ere.Bizkaiko Foru Aldundiak eskerrak eman nahi dizkie ekitaldi honetan parte hartzen duten museo guztiei, proiektu hau posible egiteagatik. Aldi berean, foru erakundeak herritar guztiak gonbidatzen ditu lurraldeko museoek gordetzen dituzten altxorrak bisitatzera.

Museoen Nazioarteko Eguna 2020, Bizkaiko museoetan

Euskal Itsas Museoak “ Dastatu Museoa” ekimena sustatzen du Museoen Nazioarteko Eguna online ospatzeko  

Euskal Itsas Museoak bat egingo du ICOMek antolatutako Museoen Nazioarteko Egunarekin, 2020ko maiatzaren 18an, aurtengo leloa “Berdintasunaren aldeko museoak: aniztazuna eta berdinatasuna” da. Igartubeitik, “¡Saborea el Museo!-Dastatu Museoa!” online ekimenaren bitartez bere bilduma eskuragarri jarriko du gastronomia eta ondarea lotuz. 

Euskal Itsas Museoak itsas bidaietan erabiltzen ziren kobrezko pertza bat balioan jarri nahi du, “Elkano. Lehenengo Mundu Bira” erakusketan bigarren plano batean geratzen dena, baina duela 500 urte marinelak elikatzeko ezinbestekoa izan zena. Haragiz edo arrainez betetako galdarak ikus ditzakegu, eta, horien artean, denboraren poderioz itsasontzietatik gure sukaldeetara salto egin duen produkturik nabarmena bakailaoa izan da. 

Produktu horren bidez, Ander González Lasala Plaza hoteleko La Jarana tabernako gastronomia-aholkulariarekin hitz egin dute, bideo baten bitartez bakailao-errezeta bat egin zezan, tokiko merkatuetako osagaiak eta bakailaoa bezalako produktu urrunak uztartuz. Horrela lehenagoko eta gaur egungo jakintzak batu ditugu. 

Nazioarteko museoen egun honetan, gonbidapen hau publikoari eskeintzen diote, lehiaketa baten bidez, errezeta hori beraiek presta dezaten; argazki, audio, sormen, irudi eta abarren bidez gurekin partekatu dezaten. Sariari dagokionez, alde batetik, bidaltzen diren errezetetatik formatu originalenari Itsasertzetik saria, Bretxako merkatuko Oianeder arrandegian erabiltzeko bale bat emango zaio. Bestetik, La Jarana saria zozketatuko da, lehiaketara aurkezten diren errezeta guztien artean, Lasala Plaza hoteleko La Jarana tabernan bi lagunentzako aperitibo bat zozketatuko da. Errezeta proposamenak bidaltzeko epea Maitzak 31ean bukatuko da ¡Dastatu Igartubeiti baserri museoa!

Kulturklik

Museoen Nazioarteko Eguna 2020, Euskal Itsas Museoan

Oteiza Museoak bat egiten du Museoen Nazioarteko Eguneko ekitaldiekin. Nazioarteko Egunaren 2020ko edizioaren goiburua “Museoak berdintasunerako: aniztasuna eta inklusioa” da.- Museo ireki, inklusibo eta soziala, Erronkak eta estrategiak online topaketaMaiatzak 18, astelehena: 18:00etan. Streaming bitartezEgungo egoera dela eta, museo eredu berriei eta arteek eta kulturak dinamizatzaile sozialtzat bete dezaketen eginkizunari buruzko gogoeta egin beharra dugu. Testuinguru honetan, sareko kolaborazio estrategiak atzera pentsatu behar ditugu, aniztasun eta inklusio egoerak bultzatu ahal izateko eta, horien bitartez, gizarte bidezkoago eta elkartasunezkoago bat garatzea bultzatzeko.

Gaiari buruzko gogoeta eta eztabaidarako, zenbait pertsonaren esperientziak eta partaidetza izango ditugu, tartean izango baitira honakoak:

–Ana Lucía Llano Rodríguez, Caliko (Kolonbia) La Tertulia Arte Modernoko Museoaren zuzendaria.

– Isidro López-Aparicio, artista, komisario, unibertsitateko irakasle eta Bake eta Gatazken Azterketa eta Ikerkuntza Institutuko kidea.

– Aitziber Urtasun, Oteiza Museoko Hezkuntza Estetiko Sailaren arduraduna.

Saioa streaming bitartez segitu ahal izango da jitsi plataforman, edo ondoren Museoaren web orriko multimedia espazioan (museooteiza.org) kontsultatu ahal izango da. Saioa zuzenean segitu ahal izateko, bi prozedura gaituko ditugu: alde batetik, interesa dutenek izena eman ahal izango dute saioan, aurrez eskaera bidaliz comunicacion@museooteiza.org helbide elektronikora, eta saioa hasi baino 15 minutu lehenago, hitzaldira sartu ahal izateko esteka bat jasoko dute. Bestetik, Oteiza Museoak Facebook, Twitter eta Instagrameko bere profiletan argitaratuko du, halaber, saiora libre sartu ahal izateko esteka, saioa hasi baino ordu erdi bat lehenago.

Saioak 60 minutu iraungo du gutxi gorabehera, eta helburua izango du Oteizaren obraren eta figuraren funtsezko zenbait alderdi zehaztasun handiagoz ezagutu ahal izateko ikusizko edukietara iristea. Ikastaro hau #Oteizaetxean programaren barnean diseinatutako ekintzetako bat da. Programa horren xedea Jorge Oteizaren eta Oteiza Museoaren inguruko ezagutza partekatzea da, Covid 19ren krisiak eragin duen alarma egoerak eragindako testuinguruaren barnean.

Gaiak

Herriak

5/18/2020 gertaerak

Museoen Nazioarteko Eguna 2020, Artium Museoan

Museoen Nazioarteko Eguna 2020, Gipuzkoako museoetan

San Telmo Museoak "2020. Pandemiaren lekukotzak: gure orainaren antropologia"

#GuggenheimBilbaoLive: Jon Kortajarenak Museoan gogokoen duen margolana

TENTUk doako “Iragarki-Taula” abian jarri du Euskadiko eta Nafarroako udalerriz antolatuta.

Bebel Gilberto

Museoen Nazioarteko Eguna 2020, Bizkaiko museoetan

Museoen Nazioarteko Eguna 2020, Euskal Itsas Museoan

Museoen Nazioarteko Eguna 2020, Oteiza Museoan

Museoen Nazioarteko Eguna 2020, Gipuzkoako museoetan