Azaroaren 15etik 23ra bitartean egingo dute Antzerkiño Abadiñoko antzerki jaialdiaren hamargarren edizioa. Bost antzezlanek osatzen dute zikloa, eta lehenengoz, Txanporta Kultur Klubak proposatutako obra bat egongo da programazioan. Lehenengo emanaldia zapatu honetan izango da, Khea Ziater konpainiaren Scrooge eta mamuak; 17:00etan izango da emanaldia, Errota kultur etxean. Domekan El inconveniente taularatuko du Tela Marinera konpainiak, 19:00etan, Errotan, baita ere.