Rothko Ensemble taldea musikari gazteek osatzen dute; Europako eskola nagusietan jaso dute prestakuntza, eta ibilbide profesionala egin dute Estatuan nahiz nazioartean, bakarlari eta orkestrako kide gisa. Taldeak helburu ugari ditu, besteak beste: programa askotarikoak eta diziplina artekoak eskaintzea, gutxi interpretatu diren errepertorioak aztertzea, konpositore hasiberriekin lan egitea eta musika ezohiko tokietara eramatea. Kasu honetan, Pablo de Lunak (biolina), Adriana Grigorasek (biola) eta Elena Escalzak (biolontxeloa) osatutako hirukoteak Franz Schuberten eta Manuel Ponceren obrak aurkeztuko ditu.