2020ko Errekaldeko Umorezko Antzerki Erakustaldiaren barruan. Eguneroko bizitza, pipak eta auzoko txutxu-mutxuak maite dituzten bi lagun xelebrek, beren etxeetako atean hitz egin, eztabaidatu eta hausnartzen dute, gaur egungo gizartean duten emakume izaerari buruz. Apurka-apurka konturatzen dira beren bizitzaren norabidea aldatzeko boterea dutela, eta hori lortzeko beren esku dagoen guztia egingo dute. Bakardadeaz, jazarpenaz, identitateaz, sexualitateaz, maitasunaz eta maitasunik ezaz hitz egingo dute. Ikusleak, ziur, uneren batean identifikatuta sentituko dira gai horiekin.