25 urte baino gehiago munduan zehar bidaiatzen, musika akuilu gisa hartuta, milaka eta milaka kilometro gaizki jaten, gaizki lo egiten, gaizki edaten eta gaizki jotzen. Izena ere gogoratzen ez dudan ehunka tokik, ezerk ez du arrastorik utzi nigan, nekez lausaotutako zirriborroak pentagrama oso okertua duen partitura batean. 2019an eszenatokiak utzi nituen, jasan ezin nuelako, artista batek han goian eskaini behar duenaren inguruan ulertzen dudanaren txiste txar bat besterik nintzen. Makina hautsita zegoen eta ez zegoen aztertu beharreko eskulibururik konpontzeko, beraz, lasai hartu nuen…Eta nire bizitzako aukera agertu zen. Proiektu bat, 10146 Hots, 14000 kilometro egitera eraman ninduena 4 hilabeteko barne bidaian, Iruñetik Yerevanera (Armenia) joan-etorria, Uharteko Arte Garaikideko Zentroak eta Institute of Contemporary Art armeniarrak eskaini zidaten bekari esker. Soinuak grabatu eta haiekin bakarrik musika berria egiteko aitzakiarekin, bidaiatzeko ez ezik, hemen eta orain bizitzeko modu berri bat deskubritu dut. Ez dut Jainkoa ikusi eta ez didate ekialdeko filosofiarik irakatsi, hori baino askoz sinpleagoa izan da. Aperitifak-en saio berri batean itxarongo dizuet, non amaitu ez den bidaia zoragarri baten soinu dardaratia entzungo duzuen, eta autolaguntzako eskuliburuetan sinesten ez duen gizon zoriontsu baten esperientziak. Aperitifak Kartela 10146 HotsHilean behin proposamen eta artista desberdin batekin egiten den aisialdirako topaketa informal bat da Aperitifak. Giro lasai batean, parte-hartzaileak bizipenen arlotik, arte garaikideko proposamenetara hurbildu daitezke. Uharte Zentroaren azpialdean proposatzeko, dastatzeko, asmatzeko, ezagutzeko edo probatzeko toki bihurtzen da, artistarekin jardunean. Doako jarduera da, adin guztietako herritarrentzat.