Elgoibarko Udalak, Udal Kirol Patronatua eta Udaleko Haur, Nerabe eta Gazteen Sustapeneko Sailaren bitartez eta Ongarri Argazkilari elkartearekin lankidetzan Elgoibarko Kirol Argazkien lehiaketa jarri du martxan, beste urte batez. Aurtengoa, XV. edizioa izango da. Obrak aurkezteko epea uztailaren 24ra arte egongo da irekita eta guztira 1. 200 euro banatuko dira sarietan, 3 maila desberdinetan: Herritarrentzako saria, gazteentzako saria eta sari orokorra. Argazki lehiaketa honetan nahi duten zaletu guztiek har dezakete parte, bai profesionalek, bai amateurrek. Gaia kirolaren arlo guztiak izanik, partaide bakoitzak gehienez ere 4 argazki aurkeztu ditzake. Lanak Olaizaga kiroldegian jaso ahal izango dira. Lehiaketaren oinarriak