Irailaren 26an, osteguna, 19:00etan, Unai Elorriaga idazlearen "Mapas y perros" liburuaren aurkezpena egingo da Bilboko Udaleko Bidebarrieta Kulturgunean. "Mapas y perros" "Iazko hezurrak" liburuaren gaztelaniazko itzulpena da, 2014ko Kritika Saria irabazi zuen eta Narratiba Sari Nazionaleko finalista izan zen egilearen bosgarren eleberria. Ohi bezala, Unai Elorriagak itzuli du Plasson eta Bartleboon argitalpen-proiektuaren ibilbideari hasiera ematen dion obra hau. Unai Elorriagarekin batera, Bidebarrietako Liburutegiko Areto Nagusian izango da Plasson eta Bartleboonen editorea den Alba Carballal. - Unai Elorriaga (Algorta, Getxo, 1973) Euskal Filologian lizentziaduna da Deustuko Unibertsitatean, eta itzultzaile eta irakasle lanetan aritu da. Saiakera eta kritika literario ugari argitaratu ditu, baita kontakizunak, haurrentzako liburuak, eleberriak eta antzezlan bat ere. Bere eleberrien artean nabarmentzekoak dira 2002ko Narratiba Sari Nazionala irabazi zuenn"Un tranvía en SP", Kritikaren Sari Nazionala eskuratu zuen "Nosotros no ahorcamos a nadie", orain arte gaztelaniaz argitaratu ez den eta orain "Mapas y perros" izenburupean argitaratzen duen "Iazko hezurrak”.
- Alba Carballal (Lugo, 1992) idazlea eta gidoilaria da. "Tres maneras de inducir el coma" eta "Bailaréis sobre mi tumba" (Seix Barral) eleberriak argitaratu ditu, baita "Tu hogar en cualquier sitio" (Flamboyant) ere. Plasson eta Bartleboonen editorea da, "literatura su motelean, eremu-sakontasuna eta begiradaren pazientzia aldarrikatzeko jaio den proiektua, abiadura eta postureo garaietan hain zailak direnak". BIDEBARRIETA KULTURGUNEA Bidebarrietako Liburutegiak kultura zabaltzeko duen gunea da. Bere helburuen artean literatura, ezagutza eta dibulgazio zientifikoa sustatzea dago. - Bertaratzerik izan ezean, aurkezpena streaming bidez jarraitu ahal izango da Bidebarrieta Kulturguneko YouTube kanalean.