Elkarrizketa saioaren helburua izango da, Ruper Ordorikaren kantugintza esperientziatik abiatuta, bere ibilbideaz, eta, bereziki, letragintzaz aritzea. Era berean, literaturarekin izan dituen askotariko harremanak ere jorratu nahiko genituzke.

Idazteaz beste Mikel Ayerbek zuzendutako euskal literaturari buruzko elkarrizketa-saioetan datza.

Mikel Ayerbe Sudupe (Azpeitia, 1980). Literatura Konparatuan eta Literatur ikasketetan Doktorea eta EHUko irakaslea, literatura-kritikaria eta literaturaren inguruko hainbat ekimenen partaidea, besteak beste. Baina horien guztien aurretik eta ondoren, irakurlea; irakurle porrokatua.