"Geruza geologikoen irudikapen grafikotik abiatuz, liburu zientifikoen ilustrazioekin egiten du lan Miren Barrenak, trazu, konposizio edo perspektiba bezalako baliabide grafikoak material eta prozedura desberdinekin gauzatuz (tinta Txinatarra, kakorratz-lana, collage-a…).

Hala, estanpatu eta ehunduraz osatutako mapak sortzen ditu Mirenek, non interes estetikoa aurkitzen duen. Mapa: irudia; ibilbide bisuala; lehenetsitako logika baten arabera dabilen tramen jokoa. Gure gorputzarekin zeharkatzeko leku fisiko bat gorpuzten duen mapa. Alpinismoaren imajinariotik, karga emozionala duten familiako objektu batzuekin garatzen ditu ideia hauek: mapak, argazkiak, geologiako liburuak…"