Ezinezkoa: ezin daitekeena edo betetzeko zaila dena. "Ezinezko" hitza gure bizitzan zehar gehien erabiltzen ditugun hitzen artean katalogatua dago. Ikusi dugun zerbait gertatu ezin izan dela adierazteko balio zaigu. Ez al da hau magoen helburua?EZINEZKOAREN LOGIKAn arau bakarra dago: ez dago eskuraezina den ezer. Ordubetez baino gehiagoz "ezinezkoa errealitate bihur daiteke". Hodeik bere ikuskizun berria aurkezten digu, formatu handiko ekoizpena hainbat urte osatzen egon den joku aukeraketarekin, emaitza originala lortuz, zeinean denok ezagutzen dugun magia klasikoa, sortzen ari den magia modernoarekin bat egiten du. Ezinezko ihesak, hainbat zatitan mozten diren gorputz atalak, asmaketa imajinaezinak, baita publiko osoak parte hartuko duen joku handia ere. Hau guztia argi, kolore eta kez betetako argiztapen harrigarriaz; landutako soinu-bandaz; eta Hodeiren presentzia nabarmentzen duen eszenaratzeaz, erritmoaz eta inork axolagabe utziko ez duen umoreaz lagunduta. Posible eta ezinezkoaren arteko muga non dagoen aurkitzera ausartzen zara?