Asteburu honetatik aurrera, Bizkaiko Dantzarien Biltzarrak dantza programa zabala eskainiko du Euskal Museoko klaustroan, irailean eta urrian zehar. “Euskal dantzak” izenburupean, jarduera Euskal Museoko klaustroan egingo da, eta sarrera doan izango da, baina aldez aurretik www. euskalmuseoa. eus webgunean erreserbatu beharko da. “Euskal dantzak” iraileko eta urriko asteburuetan egingo dira, beti 13:00etan eta Unamuno Plazatik sartuta. Hauexek dira programaren data zehatzak:- Igandea, irailak 20
- Larunbata, irailak 26
- Igandea, irailak 27
- Larunbata, urriak 3
- Igandea, urriak 4
- Larunbata, urriaren 10a
- Igandea, urriak 11
- Larunbata, urriak 17Esan bezala, sarrera doakoa izango da eta aldez aurretik erosi beharko da Euskal Museoaren webgunean, lekua bete arte. Covid-19ak eragindako egungo osasun-araudiaren ondorioz, erakustaldi bakoitzeko gehienezko edukiera 60 pertsonakoa izango da. Gainera, beharrezko segurtasun-neurri guztiak hartuko dira, jarduera behar bezala garatu dadin bermatzeko. "Euskal Dantzak" publikoari euskal folklorearen alderdi hori erakutsi nahi dion ikuskizuna da: bere dantzak. Hala, Beti Jai Alai, Gaztedi, Salbatzaile, Goialde, Zerutxu, Alkartasuna, Mikel Deuna eta Urdaibai taldeak izango dira zeregin horren arduradunak. Haiekin batera, pauso eta dantzei erritmoa emango dieten musika taldeak ere arituko dira, gure tradizioak modu seguruan ezagutzeko eta gozatzeko aukera paregabea osatuz.