10 panelen bidez, uraren garrantziari buruzko zenbait alderdi lantzen dira. Besteak beste, garapen jasangarria, ur-eskubidea, saneamendua, higienea, klima-krisia eta arazoak konpontzeko parte-hartzearen eta lankidetzaren garrantzia nabarmentzen dira erakusketan. Gainera, panelek QRak dauzkate informazio gehiagorekin; esaterako, planetako toki batzuetan ura eskuratzeko zailtasunei buruzko benetako istorioak, jokoak, ezagutza-testa, mundu osoko neska-mutilen iritziak klima-krisiari buruz, laguntzeko zer egin dezakegun, etab. Erakusketaren edukia ume eta nerabeentzat diseinatuta dago, eta horregatik da Martindozenea Gaztelekuan. Gaiari buruz sakontzeko, tailer bat prestatu da. Ekainaren 13an izango da, arratsaldeko 17:30etik aurrera, eta zerbitzuaren erabiltzailentzako izango da (12-17 urte).