Ormaiztegiko Herriko liburutegian sei liburu tertulia antolatu dira guztira 2020an. Bi dinamizatzaile dira lagun topaketa hauetan. Bata, Monica Leiva kazetaria, bestea, Miriam Luki kazetari eta idazlea. Tertulietan gai desberdinak jorratuko dira, liburu bakoitzaren nondik-norakoen arabera, eta, beti ere, berdintasuna nahiz migrazioaren ikuspegia landuta. Datorren maiatzaren 26ean izango da urteko bosgarren saioa, eta, bertan, Miren Tirapu-ren BAZTERREKO AHOTSAK liburua landuko da. Tertulian parte-hartzeko interesa izanez gero, ondorengo loturan sartu besterik ez duzu (edozein zalantza, idatzi kultura@ormaiztegi. eus-era). - https://meet. jit. si/GreenBonobosPierceDangerously