Getxora dator Speedometer funk kitzikagarria egiten duen talde britainiar eskarmentuduna, nazioartean ospe handikoa eta txalotua. “Downtown Funk ‘74” disko berria ekarriko digute, 70eko hamarkadaren funk antologia, hain zuzen ere. Teknika analogikoekin grabatu zuten Big Noise Studios estudio britainiarrean. Bada, taldeak 16 harribitxi sortu ditu funk klasikoaren, soul funkaren, latin funkaren eta afro funkaren dantzalekurako, haizezko instrumentu indartsuekin eta erritmorik puruenarekin. Hori guztia, show ikaragarri batez lagunduta.