Antzezlan honetan gai sakonak topatuko ditu ikusleak, umorea eta performance kutsuko aktore lan fisikoaz lagunduta: noiz bilakatzen da norbera panpin eguneroko bizitzan? Zer pasatzen da panpin baten burutik? Noiz behar dugu begiratu gaitzaten, eta zergatik? Emakume oro da panpina? Besteen begiradak egiten gaitu panpin? Edozein pertsonak du maitatua izateko beharra. Baina zertarako eta noraino gaude prest hori lortzearren?Beldurrak, ingurukoen iritziarekiko dependentzia. . . Besteen begiradaren aurrean, panpina izatea menpekotasun keinu bat da ala askatasun adierazpen gorena?