Gasteizko 2024ko Nazioarteko Antzerki Jaialdiaren egitarauaren barruan. Viva! Lisa Peyron eta Daniel Olmosek 2021ean sortutako konpainia franko-espainolaren lehen sormen-lana da, eta objektu ohikoenetan ezkutatzen den indar sinboliko eta metaforikoa esploratzen du.

Arkatz gorri bat preso politiko bihurtzen da, post-it bat amets urratu. . . Objektuen antzerkiak istorio konplexuak modu errazean eta distantzia aringarri batekin kontatzeko aukera ematen digu.

Viva! diktadura betean egindako feminizidio baten istorioa da, Espainiako Gerra Zibilaren ondoren. Tabu sozial eta familiar baten istorioa.

Agertokian, mahai-gain bat. Mahai-gainean, zenbait objektu. Papera, grapagailu bat, zinta itsaskorrezko biribilki bat, arkatzak eta zorrozkailuak. . . Hortxe daude objektu horiek guztiak, historia berreraikitzeko prest.

Umoreak duen gaitasun salbagarria gorabehera, lan honek hausnarketa egiten du banakako egintzetan inplizituki dagoen erantzukizun kolektiboari buruz, gizarte batek bere burua eraldatu eta sendatzeko duen gaitasunari buruz.

2024ko Avignongo Jaialdian La Cour du Spectateur kolektiboarekin batera programatutako konpainia da. Testua eta antzezpena: Daniel Olmos, Lisa Peyron

Sorkuntza laguntzailea: Katy Deville (Théâtre de Cuisine)

Laguntza artistikoa: Clément Montagnier (Cie Tac-Tac)

La Loquace compagnie