"Komikiaren ezinbesteko elkarrizketak" seriea, komikiaren eta ilustrazioaren ingurukoa. Atal honetan Akira Toriyama da protagonista "Dragon Ball" obrarekin. - "Dragon Ball", Akira ToriyamaSon Goku mutiko berezia basoan bizi da aitona hil zitzaionetik. Indar harrigarria du, eta gustura bizi da naturan, harik eta Bulma ezagutzen duen arte, neska aberaskume bat, Dragoi Bolen bila dabilena: zazpi esfera magiko dira Dragoi Bolak, eta, zazpiak bilduta, edozein desira betetzeko ahalmena dute. Halabeharrez, Gokuk dauka esfera horietako bat, lau izarrekoa, eta Bulmak ez du aise konbentzituko gainerakoak bilatzen lagun diezaion… Horrelaxe hasten da garai guztietako mangarik ezagunena!