KSIgune Konexioak Topaketa 2024
Gertaeraren datuak
Antolatu du
www.ksigune.eus
Noiz
31/05/2024
KSIgunek Konexioak deialdiaren laugarren edizioa abiarazi du, KSIetako erakundeen, irakasleen, ikasleen eta ikertzaileen artean proiektu kooperatiboak garatzeko aukera berriak sortzeko, Euskadiko kultura- eta sormen-industrien erronka sektorialei aurre eginez. KSIgune Konexioak 2024/25ko deialdiak Euskadiko kultura- eta sormen-sektoreetako erakundeetan aplikatuko diren Goi Mailako Hezkuntzako baterako proiektuak finantzatzeko laguntzak eskainiko ditu. KSIgune Konexioak programaren edizio berri honek 2 kategoriatako proiektuak finantzatuko ditu:1. Prestakuntzarako konexioa: Gradu Amaierako Lanak, Master Amaierako Lanak eta Irakasgai Lan kolektiboak,2. Eraldaketarako konexioa: Ikertaldeen lanak. Deialdia 2024ko urriaren 18ra arte egongo da zabalik, eta parte hartzeko oinarriak eta jarraitu behar diren pausoak Konexioak Deialdiaren weborrian daude eskuragarri. Aurkezpen-ekitaldia2024/25 deialdia KSIgune Konexioak Topaketan aurkeztuko da 2024ko maiatzaren 31n, 10: 0etatik 13:00etara, Donostiako San Telmo Museoan. Goi Mailako Hezkuntzaren eta Unibertsitatearen eta Euskadiko Kultura eta Sormen Industrien erakundeen arteko lankidetza sustatzeko eta Konexioak deialdira aurkez daitezkeen ideiak sortzeko balioko du ekitaldiak. Izena eman daiteke KSIguneko webgunean. KSIgune Konexioak deialdiaren bilakaeraEusko Jaurlaritzako Hezkuntza Sailaren eta Kultura eta Hizkuntza Politika Sailaren laguntzarekin, KSIgune Konexioak deialdiak 44 lankidetza-proiektu babestu ditu orain arte, KSIetako 14 sektoreetako 11tan kokatuak. Guztira, 34 euskal erakundek eta KSIgune ekosistemako 16 fakultatek eta eskolek parte hartu dute, eta 600 ikasle baino gehiago mobilizatzea lortu dute. Proiektu horien finantzaketari esker, Goi Mailako Hezkuntzatik datorren talentua KSIetako erakundeetara hurbildu ahal izan da, EAEko erakundeen barruko ikerketa-prozesuak sustatu ahal izan dira, eta erronka sektorialei zein erregionalei erantzun ahal izan zaie, trantsizio hirukoitzari - ekologikoa, teknologiko-digitala eta sozialdemografikoa - aurre egiten lagunduz. Deialdiaren aurreko edizioetan lagundutako proiektuak ezagutu daitezke esteka hauetan:2023/24ko deialdia2022/23ko deialdia2021/22ko deialdia
Iruzkinak
Hasi saioa iruzkin bat argitaratu ahal izateko.