Villabonako udako kultur egitarauaren barruan. Giza neurria duten hiru txotxongilok ibilbide bat egingo dute, eta bidean topaturiko ikus-entzule eta elementu guztiekin arituko dira. Eroso-eroso ibiliko dira tabernetan, plazetan, portuan… Ikus-entzuleekin jolastuko dute, eta hainbat irudi eskainiko dituzte bankuetan, iturrietan eta zabuetan. Portuko andre handi hauek kalejiraren erritmoan ibiliko dira, haiekin batera joango baitira trikitixa eta panderoa. Kalejirak erritmoz eta melodiaz jantziko ditu ekintzak eta irudiak. Andre hauek bihurrikeriak egin bitartean, hala ere, izango dugu astirik dantzan egiteko eta ikus-entzuleak dantzan jarrarazteko. Animazio ibiltaria. - Iraupena: 30 min.