Maiatzaren 29an, arratsaldeko 18:00etan, aurkeztuko dute Ignacio Aldecoa Kultur Etxean “Mikroipuinak 2022-20213" liburua, GEU Elkarteak Twitterren antolatutako mikroipuin lehiaketan parte hartu zutenen idazkiekin osatutako liburua.

Arabako Foru Aldundiko Kultura eta Kirol Sailak editatutako argitalpenak lehiaketaren hirugarren eta laugarren edizioak jasotzen ditu. 2022ko gako hitza #argia izan zen, eta 2023koa #gaua.

Ekitaldian Inmaculada Sánchez Foru Aldundiko Kultura zuzendariak eta epaimahaiko zenbait kidek parte hartuko dute. Epaimahaia Ana Malagón, Blanca Urgell eta Iban Zalduak osatu zuten. Halaber, apirilean egin den eta #mina proposamen hitza izan duen bosgarren edizioaren irabazleak iragarriko dira. Karmele Jaio egon da epaimahaian.

Argitalpenak Nefer Olaizola Balboaren irudiak ditu. GEUk banatuko du, eta laster egongo da Arabako liburutegietan eta inguruko liburutegietan.

Parte hartze datuak

3. edizioa – 2022

Hashtag #argia

Epaimahaia: Blanca Urgell, Ana Malagon, Iban Zaldua

Parte hartzaileak: 33 ipuin/22 pertsona (gehienez 3na bidal zitezkeen)

4. edizioa – 2023

Hashtag #gaua

Epaimahaia: Blanca Urgell, Ana Malagon, Iban Zaldua

Parte hartzaileak: 52 ipuin/35 pertsona (gehienez 3na bidal zitezkeen)

4. edizioa – 2023

Hashtag #mina

Epaimahaia: Iban Zaldua, Karmele Jaio eta Ana Malagón

Parte hartzaileak: 48 ipuin/30 pertsona (gehienez 3na bidal zitezkeen)