Itsasoak bi pertsona ezezagunentzako plan bat du, nahiz eta oraindik haiek ez dakiten. Ulises zaharrak, ulertzen ez duen zibilizazio kontsumista eta suntsitzailetik aldenduta, urteak daramatza itsasoan isuritako hondakin guztiak biltzen, haiei bigarren bizitza bat emateko. Haren sorkuntzak, berak deitzen dien bezala, bere bakardadearen lagun dira. Baina haren denbora amaitzear dago. Aldiz, Felixek, sare sozialetan itsasoan erronka zentzugabekoenak burutzeagatik ezaguna den urpekariak, munduko denbora guztia du soberan, nahiz eta ez duen mugikorraren pantailatik haratago pertsonaia bi horiek nola lotuko dituen kontatzen duen istorioa da hau, izenik gabeko leku batean, non elkarrekin deskolokatuko diren, elkarri lagunduko dioten, eta beren burua erreskatatzen ikasiko duten. Ikaskuntza- eta tolerantzia-abentura bat, umore handiz kontatua, familia osoarentzat, geure buruari, besteei eta ingurukoei ematen dizkiegun bigarren aukerei buruz.  ontsumismo masiboa, gehiegizko hondakinak sortzea eta horiek masiboki itsasora botatzearen ondorioak ikusarazten diguten esperientzia. Adingabeek sare sozialetan duten esposizio arriskutsuari eta horren ondorioei buruzko ohartarazpena. Azken batean, gizatiarragoak izateko istorioa. - Egilea: Izpiñe Soto
- Zuzendaritza: Izpiñe Soto
- Musika: Nerea Alberdi
- Eszenografia: Iñaki Ziarrusta Hortzmuga teatroa
- Koreografia: Mar Serrano
- Aktoreak: Aroa Blanco, Iñaki Aguinaga, Alex Antunez