Taleb Alisalemen Un viaje a la libertad liburuaren aurkezpen solasaldia izango da. Mende erdi baino gehiago irauten duen autodeterminazioaren aldeko borrokaren konplexutasuna erakusten digu lan honek. Kolonizazioa, gerra, erresistentzia eta etorkizunaz ari da liburua, hitza eskatzen ari den saharar belaunaldi gazte baten ahots kritikotik. Ahaztutako eta isildutako herri baten erronka eta itxaropenetan gidatuko gaituen iparrorratz bihurtu da liburu hau. Kristina Berasainek gidatuko du solasaldia; nazioarteko informazioan aditua da bera eta Sahara, herri bat erresistentzian liburuaren egilea.