Les Luthiers taldeak, Asturiasko Printzesa Saria jaso eta 50 urtetik gorako ibilbidea duenak, saio berria estreinatuko du Bilbon: Viejos Hazmerreíres. Ikusleek berriz ere ikusi ahal izango dituzte, besteak beste, Las Majas del Bergantín zarzuela, Quién mató a Tom Mc Coffee eta La cumbia epistemológica lanak. Eta, tarteetan, Sali Baba guruaren irakaspenekin, martetarrak ikusi zituen gizonaren zorakeriekin eta London Inspection taldearen abestiekin gozatuko dute. Kontu handiz aukeratutako eta berritutako obrak dira guztiak ere, irrati emanaldi absurdo bat egiteko, hain zuzen, saio gogoratu eta irri-eragile hura: Radio Tertulia, nuestra opinión y la tulia.