"Comic soon" erakusketak Fran Mengual, Lisa Blumen eta Pascale Sévigny-Vallières artisten sorkuntza-prozesua erakutsiko du Mediateka Galerian. 2024ko Komikiaren Nazioarteko Egonaldiko artistak dira hirurak, eta Bilbon izan dira otsaila eta martxoa bitartean. Programa horren esparruan egiten ari diren sormen-prozesuarekin jarraitzeaz gain, beren esperientzia erakutsi diete publikoen komunitateei, besteak beste, Azkuna Zentroko Letren Nazioarteko Jaialdian, Gutun Zurian izandako solasaldietan. Bestalde, Alhóndigako fatxada nagusian esku hartu dute, espazio horretarako sortutako hiru ilustraziorekin.