Hitzaldi hau "Emakume arkeologoak Gipuzkoan" erakusketaren inguruan prestatutako jarduera programaren esparruan izango da. Lourdes Herrasti Erlogorri doktorea osteoarkeologian aditua da, eta 30 urte baino gehiago daramatza Aranzadi Zientzia Elkartean lanean. Antropologia Saileko zuzendaria da gaur egun.

Gaur egun, Aranzadi Zientzia Elkarteak modu erregularrean esku hartzen du hobi komunak lurpetik ateratzeko prozesuetan, eta aurkitutako gorpuzkiak aztertzen ditu Memoria Historikoaren hainbat elkarterekin lankidetzan.

Lourdes Herrastik egindako lanaren zati garrantzitsu bat da dibulgazioa. Horregatik, informazio-hitzaldietan parte hartzen du eskoletan, argitalpenak egiten ditu, eta datu-base ireki bat sortu du, gorpuak hobietatik ateratzean sortutako informazio guztia islatzeko.