Kultur 2020 programaren barnean. Bruno eta Lorena Jiménez. Jiménez anai-arrebak Zangozako bi gazte flamenko dira. Flamenkoarekiko pasio eta zaletasun argiarekin, Brunok eta Lorenak pop-kantak nahasten dituzte ukitu flamenkoekin eta arraza-oihartzunekin. Soinu-aberastasun handiko errepertorioa eskaintzen dute, bertsio originalez beteta, artearen interpretazio pertsonala ezaugarri izanik. Lorena Jiménezek kantatu eta kaxoi flamenkoa jotzen du, eta Bruno Jiménezek, berriz, gitarra. Elkarrekin emozio-leherketa bat sortzen dute; aparteko konexioaren eta sentimendu flamenkoaren erakustaldiak berritu eta musikaren bide berriak aztertu nahi ditu, gustu onez eta errespetuz. Félix Estévez. Teklatu-jotzailea, perkusio-jotzailea eta moldatzailea mota askotako taldeetan: flamenkoa, flamenko fusioa, popa, musika garaikidea, jazza, latin jazza eta rock fusioa, besteak beste; maila handiko artistekin jo du, hala nola Tomatito, Josemi Carmona, José Luis Salinas, Jorge Pardo, David eta Carlos de la Jacoba, Alba Molina, Kiki Morente, José El Francés, Antonio Carmona, Potito eta Montse Cortés-ekin. Proiektu garrantzitsuetan parte hartu du, besteak besteak, Joaquín Cortés dantzariaren eta Antonio Carmona musikari eta egilearen biretan. Pedro Gabarre (Popo). Pedro Gabarre, Popo, musikaria, perkusio-jotzailea, flamenko-dantzaria eta diziplina anitzeko artista da. Flamenkoak eman duen familia handienetako bateko kidea da, Carbonell familiakoa, hain zuzen. Ama flamenko-dantzaria du, eta aita, flamenko-kantaria. Enrique Morenteren iloba da eta hura izan zen haren mentorea. Kiki Morente eta Estrella Morenterekin batera ibiltzen da normalean haien biretan.