Aurreko bi faseetan sailkatutako 20 kantarik hartuko dute parte Donostiako Nazioarteko Opera eta Zarzuela III Lehiaketan. Abesteaz gain, parte-hartzaileek ariak antzeztu beharko dituzte Opus Liricako Ainhoa Garmendiak, Pablo Ramosek, Iker Sánchezek eta Carlos Crookek eta nazioarteko 3 opera adituz osatutako epaimahaiaren aurrean. Sariak lanerako kontratuak izango dira eta ikuskizunaren amaieran jakinaraziko dira. Lehiaketa hau Euskal Herri osoan dagoen opera lehiaketa bakarra da. Lehen bi edizioetan 20 herrialde desberdinetako 100dik gora abeslari aurkeztu ziren.