"Bilbao Metal Pop-Rock" Erakustaldiaren 37. edizioak, Aste Nagusira bertako metal eta pop-rock onena ekarrik duenak, bere kartela itxita du jada, 16 emanaldirekin. Hala, abuztuaren 17tik 24ra bitartean, Bilborock Aretoak 8 kontzertu bikoitz hartuko ditu, estilo posible guztietan inspiratutako talde eta artistekin, eta emakumeen presentzia handiarekin. Jaietako Zinegotziak, Itziar Urtasunek, herriko programatzaile eta taldeekin batera, aurten Bilborock Aretora igoko diren artista eta taldeei (16) buruzko xehetasun guztiak eman ditu. Erakustaldian ohikoa denez, egunean bi kontzertu egingo dira berriro, 20:00etan eta 21:00etan, eta sarrera librea izango da lekua bete arte. Erakustaldiak betidanik izan dituen bi ezaugarri “irekitasuna eta eklektizismoa” izan dira, eta genero estilo eta soinu ugari eskaintzen ditu, hala nola elektro pop, hip hop, rap, swing, blues rock, indie pop edo punk doinuak. Udalaren helburua da “lehiaketatik pasatzen den pertsona bakoitzak gustuko duenarekin gozatzea, eta, ahal bada, ezagutzen ez zuen kontzertu edo talde horrekin harrituta geratzea”, adierazi du Itziar Urtasunek. Gainera, azaldu duenez, “horrela, Bizkaiko musikariei babesa ematen zaie hiriburuko jaietan, eta Bilbo-Bizkaiko eszena bizirik mantentzen laguntzen da”. INSKRIBATUTAKO 116 TALDE ETA ARTISTAAurtengo edizioan, 116 taldek eta artistak eman dute izena, iaz baino bost gehiagok, eta deialdi hau historiako parte-hartze handiena izan duen bigarrena izan da (2014ko hogeita bederatzigarrenaren atzetik), “goranzko joera etengabea eta iraunkorra erakutsiz”, Udaletik adierazi dutenez. Datuei dagokienez, %44,8 bilbotarrak dira, eta gainerakoak, %55,2, Bizkaiko gainerako lurralde historikoan bizi dira. Eta izena eman duten talde guztien artean, 34 euskara erabiltzen dute mintzatzeko, eta 49 emakumeak dituzte lerroetan, 2023an baino 18 gehiago. Udaletik parte hartze handi hori eta edizio honetako talde eta artisten kalitate handia azpimarratu dituzte, “arlo artistiko eta musikalean hazteko eta esploratzeko duten kezka erakutsiz”. “Zalantzarik gabe, aukeraketa zaila izan arren, aurtengo talde eta artistek une ahaztezinak eskainiko dituzte, eta Bilborock bisitazen duen orori bere musikaz eta giro onaz gozaraziko diote”, azpimarratu dute. Aurtengo Erakustaldian parte hartzeko aukeratu diren 16 taldetatik bost dira letretan euskara erabiltzen dutenak, eta zazpi emakumezkoen presentzia dutenak. Jatorriari dagokionez, bederatzi talde Bilbokoak dira, hiru Ezkerraldekoak (Barakaldo), bat Eskuinaldekoa (Getxo) eta bat Abadiño, Galdakao eta Gernika-Lumokoa. Oraingo honetan, epamahi espezializatuak aipatu du taldeetako baten presentzia, MIKOSIS, taldekide guztiak emakumeak baitira, eta Bilboko Udaleko Gazteria Sailak antolatzen duen Villasound lehiaketatik baitatozte. Gainera, Mikosis parte hartuko du Aste Nagusia 2024 sariaren irabazle bezala. 16 KONTZERTU 8 GAUETAN BILBOROCKENAbuztuaren 17an, Sweet Rage eta Pomeray taldeek irekiko dute Bilborock Aretoko oihala. Eta Frakturen trash metal eta Knivesen amalgana crusting rock and death soinuek itxiko dute. Aurten, emakumezkoen presentziak presentzia handia izango du Mikosis eta Las Sexpeares taldeen kartel bikoitzarekin, abuztuaren 18an, domeka. Aste Nagusiko Erakustaldiak metalaren, poparen eta rockaren barruan bildutako estilo guztiak onartzen ditu, jazza izan ezik. Talde eta estilo multzo zabal horren adierazgarri dira, aurtengo kartelean Ibai García Blues Project eta Memphis Belles taldeen blues eta rock´n´bluesa, astelehenean, abuztuaren 19an, eta baita Simón Carranzaren pop-rocka eta VitterSweeten R&B Neo Soul elektro trufatua eta rapa ere, asteartean, abuztuaren 20an. Asteazkenean, abuztuaren 21ean, pop-rocka Soporte Vital Básico taldearen eskutik presente egongo da, eta hegoaldeko rocka, berriz, Triple Zero Band taldearen eskutik. Soinu gogorrenak ostegunean, abuztuaren 22an, entzungo dira Adur taldearen euskarazko rave-punka eta Doble Fuerza Bilbon kokatutako nazioarteko taldearen punk’n’rollarekin. Azkenik, azken asteburuan metala iritsiko da lau bandarekin: lehenik, Fear Crowd taldearen heavy metal klasikoa eta 4 Villains taldearen metal rock melodikoa (ostiralean, abuztuaren 23an), eta, amaitzeko, Frakture eta Knives (larunbatean, abuztuaren 24an).