Espazioaren garrantzia José Pablo Gallo Leónek bere liburuan (Espacios de biblioteca: presente y futuro) azaltzen duen bezala, diseinu on bat funtsezkoa da liburutegiaren kudeaketarako. Gai honetan gehiago sakontzeko, jardunaldi bat egingo du ALDEEk maiatzaren 31n Bilboko La Perrera gunean. Bertan, liburutegi espazioei buruz hitz egingo da ikuspuntu desberdinetatik eta tailer praktiko bat ere egingo da Santi Romero arkitekto katalanaren eskutik. Jardunaldia dohainik izango da baina aurrez izena eman beharko da. Streaming bidez ere emango da, baina tailerra aurrez aurre bertaratzen direnentzat bakarrik izango da. Irakasleak- Jose Pablo Gallo Leon: Alacanteko Unibertsitateko Liburutegiko zuzendaria eta Espacio de biblioteca: presente y futuro liburuaren egilea
- Ferran Burguillos Martinez: Bartzelonako Liburutegien Partzuergoko gerentea
- Elena Orte Largo: Gabriel García Márquez Liburutegiko arkitektoa, SUMA Arquitectura
- Neus Castellano Tudela: Bartzelonako Gabriel García Márquez Liburutegiko zuzendaria
- Oihana Aristondo Cartagena: Errenteriako Lekuona Fabrikako liburutegiko arduraduna
- Enrique Uriarte Gonzalo-Bilbao: Gasteizko Ignacio Aldecoa Kultur Etxeko zerbitzuburua
- Santi Romero Garuz: Arkitektoa, liburutegi-arkitekturako aholkularia, hizlaria eta irakasleaHelburuakLiburutegi-kudeatzaile batek aurre egin behar dion erronkarik handienetako bat espazio berri bat berriro diseinatzea edo eraikitzea da. Hain zuzen, José Pablo Gallo León berak parte hartuko duen jardunaldi honen helburu nagusia; liburutegien eremuko joera berriei buruz hitz egingo du adituak. Jarraian, Ferran Burguillos Bartzelonako Liburutegien Partzuergoko gerentea etorriko da, eta egungo liburutegien ikuspegi funtzionalagoa eskainiko du. Ondoren, Bartzelonako Gabriel García Márquez liburutegiaren proiektu globala ezagutuko dute parte hartzaileek, Neus Castellano zuzendariaren eta Elena Orte proiektuaren arkitekto arduradunaren eskutik. Horri guztiari etxeko ikuspegia gehitu nahi dio ALDEEk, hurbilagokoa. Errenteriako Lekuona Fabrikaren esperientziak eta Gasteizko Ignacio Aldecoa Kultur Etxeak proiektatzen duen eraberritze proiektua ezagutuz egingo da hori. Horretarako, Oihana Aristondo Lekuona Fabrikako udal liburutegiko arduradunaren eta Enrique Uriarte Igancio Aldecoa Kultur Etxeko arduradunaren arteko solasaldia izango da. Amaitzeko, arratsaldean, tailer praktiko bat egingo da Santi Romero arkitektoaren eskutik. Nori zuzenduaJardunaldi honen izaera oso transbertsala da. Liburuzainentzat ez ezik, erakunde publikoetan zein pribatuetan liburutegien kudeaketaren ardura duten departamentuetako profesionalentzat nahiz hirigintza edo arkitektura esparruko arduradun teknikoentzat oso jardunaldi interesgarria izango da, baita liburutegien edo kulturguneen proiektu arkitektonikoak garatzen dituzten enpresentzat ere. Programa- 9:00:9:15: ONGIETORRIAHITZALDIAK (presentzialki+streaming):- 9:15-10:00: Beste batzuengandik ikasiz: liburutegien diseinuko joerak: José Pablo Gallo León. Alacanteko Unibertsitateko Liburutegiko zuzendaria eta Espacio de biblioteca: presente y futuro (UOC, 2022) liburuaren egilea- 10:00-10:45: Bartzelonako liburutegien eredu arkitektonikoaren arrakastaren gakoa: Ferran Burguillos. Bartzelonako Liburutegien Partzuergoko kudeatzailea. KAFEA (10:45-11:30)ELKARRIZKETAK (presentzialki+streaming):- 11:30-12:30: Proiektu arkitektonikoa:- Elena Orte. Gabriel García Márquez Liburutegiko arkitektoa, SUMA Arquitectura
- Neus Castellano. Gabriel García Márquez Liburutegiko zuzendaria- 12:30-13:30: Bertako esperientziak:- Oihana Aristondo. Errenteriako (Gipuzkoa) Lekuona Fabrikako liburutegiko arduraduna
- Enrique Uriarte. Ignacio Aldecoa Kultur Etxeko zerbitzuburua (Gasteiz)BAZKARIA (13:30-15:30) (Catering)TAILERRA (presentzialki):- 15:30-17:30: Liburutegi bateko espazioak egokitu eta hobetzea. Tailerra Santi Romeroren eskutik. Arkitektoa, liburutegi-arkitekturako aholkularia, hizlaria eta irakaslea. Programa jaitsi