Urriaren 29ko oharra: Covid-19aren ondorioz hartutako segurtasun neurriak direla eta, emanaldia bertan behera geratu da. Web bidez erositako sarreren zenbatekoa automatikoki itzuliko da. Sarrerak leihatiletan erosi dituztenei dirua online itzultzeko sistema jarri da martxan, leihatilara bertaratu beharrik gabe: inprimakia bete eta dirua itzultzeko prozedura martxan jarriko da. Donostia Kulturak barkamena eskatzen du egoera honek sor ditzakeen eragozpenengatik.

Urteak itxita daramatza Dumontarren kabaret zaharrak baina Rose eta Juliettek ateak berriro irekiko dituzte. Lokal honetan hainbat artista arituko dira bezeroen egonaldia arintzen. Baina artista hauen egonaldia ez da batere arina izango. Teilatu desberdinen azpian jaioak eta berdinaren azpian elkartuta, euren biziak, ametsak eta ametsgaiztoak elkarbanatuko dituzte. Argiak eta itzalak. Agurrak eta ongietorriak. Enkajea, lentejuelak eta ezpain gorriak. Bertan emango diren tirabiren testigu izango da ikuslea Cedric Flamcourtek gidatuta.