Aurten ere Euskal Herriko animazioko jaialdirik luzeena indartsu dator, berrikuntzekin. Aurreko edizioko harreraren ostean, Animadebak erreferentziako jaialdi gisa finkatu nahi du, zinemagileen, animazioaren industriaren eta ikusleen topagunea bihurtuz. Edizio berri honetan, lehiaketa ofizialarekin batera, programazio gehigarri ere izango dugu: Case Study, Work in Progress, kontzertuak eta Animadeba LABen tailerrak, teknologia berriak eta bideojokoen mundua; azken honetan, harreta berezia jarriz. Martxoaren 1ean ireki zen deialdia animazioko film laburrak inskribatzeko. Epea maiatzaren 1ean itxiko da eta bi hilabetez izena eman ahalko da Sail Nagusian, Zinemagile Berriak sailean eta Panorama saileaN. Izena emateko, Filmfreeway plataforma erabiliko da: www. filmfreeway. com/AnimadebaInformazio guztia eta lehiaketaren oinarriak gure web orrian kontsulta daitezke: www. animadeba. com