2024ko Arabako Antzinako Musika Astearen barruan. Programa Vivaldi eta Händelekin hasiko da, eta, ondoren, Dresdengo gorteko musika munduan murgiltzeko aukera emango du. Bertan zegoen garai hartako orkestrarik bikainena (Hofkapelle), instrumentu bakoitzeko talentu handiko bakarlariak biltzen zituena. Programa amaitzeko Telemann-en re minorreko Triettoa joko dute, saioko gainerako sonatak baino estilo berantiarragoa duena. XVIII. mendeko lehen urte horietan, oboeak eta fagotak ospe handia izan zuten Europako gorte guztietan. Dresdenen, musika tresna horietarako obra ugari sortu ziren, eta horrek genero berri baten sorrera ekarri zuen: bi oboerako, fagoterako eta baxu jarraiturako sonata, zeinaren ahalmen dinamikoak idazkera trinko, bertutetsu eta distiratsuari bide eman baitzion. Sarbacanes XVIII. mendeko musikari eskainitako taldea da, haize instrumentuei balioa ematen diena. Taldea Ensembles Européens Emergents programaren parte izan zen 3 urtez. Gainera, nazioarteko jaialdi askotan parte hartzen du eta, une honetan, Singer-Polignac Fundazioan dago. - Gabriel Pidoux, oboea
- Neven Lesage, oboea
- Alejandro Pérez Marín, fagota 
- Loris Barrucand,  klabea
- Alexandre Teyssonnière de Gramont, violone