Arte eszenikoetan aritzen zara, eta uste duzu batzuetan zure sorkuntzak edo produkzioak kudeatzeko tresnak falta zaizkizula? Zalantzak dituzu zure lanaren egile-eskubideen kudeaketari buruz? Ez dakizu zer hartu behar duzun kontuan zure piezen streaminga egiteko eta kudeatzeko? Ba al duzu hutsunerik zure sorkuntzetan sartu nahi dituzun kanpoko obrak erabiltzeko baimenak eskatzeko prozedurari dagokionez? Ikuskizunak antolatzen dituzu eta ez dakizu ziur SGAEri edo beste erakunde batzuei ordaindu behar diezun ala ez?Gainera, Euskal Herriarekin lotura baduzu (bai hemen jaio zarelako, bai zure proiektuak hemen garatzen dituzulako), abuztuaren 1etik 31ra doako ikastaro batean parte har dezakezu, % 100 on line, ordutegi finkorik gabe, eta material pila batekin, zure erritmoan eta nahi duzun tokitik ikasi eta errepasatu ahal izango duzuna, zure beharren arabera. Edukiak helbide honetan ikus ditzakezu. Izena emateko, bete formulario hau.