Talde honen curriculumak ohorezko matrikula merezi du. 2003ko abenduan abiatu zirenetik gaur arte biraka ibili dira etengabe. Horiei gehitu behar zaizkie sariak, Europako jaialdi ospetsuenetan eginiko saioak, bere diskoen kritika ezin hobeak eta kalitatez eta indarrez beteriko zuzenak. Orain little band formatuan datozkigu Getxora; horretan, tronpeta eta tronboia saxoari gehitzen zaizkio Rhythm & Blues talde onenen haize-instrumentuen atala sortzeko.