‘Nadie sabe nada’ Andreu Buenafuente eta Berto Romero protagonista dituen irrati-ikuskizunak Euskalduna Bilbaon izango da bere programetako bat grabatzen. Bi komikoak aurrez aurre esertzen dira eta edozein gidoi alde batera utzita, ikusleek proposatutako gaiekin, ia ezerezetik barre algarak sortzeko gai diren elkarrizketetan murgiltzeko aukera izaten dute. Bat-batekotasunak erritmoa markatzen du eta umorea da ikuskizunaren gidari nagusia. Txisteak, erantzun azkarrak, imitazioak, inprobisazio hutsa. . . bi protagonisten barre eragiteko errepertorioa izugarria da eta Auditoriumak beren talentuaz gozatzeko aukera izango du. Buenafuenteren eta Romeroren arteko konplizitatea da irratsaio eta podcast honen osagai nagusia. Komedian urte askoan elkarrekin lan egiten izandako esperientziari esker, elkar ondo ezagutzen dute eta ez dute gidoirik behar ikus-entzuleen barrea eragiteko. Elkarrekin ekin zioten ‘Nadie sabe nada’ saioari duela hamaika urte, eta 400 programa baino gehiago egin dituzte dagoeneko, lehen eguneko freskotasuna galdu gabe.