- Astearte Musikalak 2020-2021: egitaraua (pdf)

Gogoko duzu ganbera musika? Astearte Musikalak dira gure inguruko musikari gazteen errezitaldiak, solista ezagunak, duoak, kuartetoak edo kintetoak, baita ospe nazionala nahiz nazioartekoa duten orkestrak ere entzuteko duzun aukera.

Duela hiru hamarkadatik hona, asteartero, azarotik martxora bitartean, nazionalitate desberdinetako eta estilo anitzeko artistez gozatzeko aukera izango duzu. Edizio honetan, besteak beste, honako hauek izango dira gurekin, piano jotzaileen artean, Michael Andreas Haeringer edo Albert Guinovart, eta 'Jesus Guridi' Musika kontserbatorioko ikasleak edo MUSIKENE -  Euskal Herriko Goi Mailako Musika Ikastegikoak.

COVID19 protokoloa- Nahitaezkoa da maskara uneoro erabiltzea.
- Eskuak garbitzea gomendatzen da, aretoaren sarreran antolatzaileek prestatutako gel hidroalkoholikoa erabiliz.
- Sarrera eta irteera ordenan egingo dira, eta une oro mantenduko da gomendatutako segurtasun-tartea.
- Aretora sartu ondoren, jendea ezin daiteke jesarleku batetik bestera ibili.
- Aretoko langileen aginduak beteko dira beti.
- Behin jarlekuan eserita, ezin izango da bertatik altxatu kontzertua amaitu arte, ez dago atsedenik.
- Kontzertua hasi ondoren, ez da aretora sartzerik izango. Abonamenduen eta sarrera-txartelen salmentaZiklo osorako abonamdenduak eta azaroko errezitaldietarako sarrerak 2020ko urriaren 29ko 08:00etatik aurrera salduko dira eta Kordoi Etxean (Aiztogile 24, beheko solairua) edo webgune honetan bertan eros daitezke.

Sarreren salmenta mailakatuta egingo da, hilez hil, osasun-egoerak edukiera aldatzea edo kontzertuak bertan behera uztea gomendatzen badu ere. Beraz, hilabete bakoitzeko azken asteazkenetik aurrera, hurrengo hilabeteko kontzertuetarako sarrerak erosi ahal izango dira.

Halaber, errezitaldi bakoitzerako sarrerak kontzertu egunean bertan eskura daitezke (eserlekurik badago), Kulturunean bertan, emanaldi bakoitza hasi baino ordu bete lehenagotik aurrera.

Ordainbidea banku-txartelaz da.

Web-orriaren bitartez, online erosteko lege-baldintzak kontsultatu ditzakezu hemen.