Azken hamarkadan “jaialdi ikasketak” arloak zinemaldiei buruzko begirada kritikoak eraiki ditu. Ikuskizun eta glamurrarekin lotutako azaleko irakurketa mediatikoetaz haratago, zinema-jaialdiak kultura zinematografikoan ezinbesteko piezak direla ulertzen hasi da ohiartzun sozial, politiko eta ekonomikoz josiak. Uda Ikastaro honek jaialdi ikasketetara sarrera bat proposatzen du iragana, oraina eta etorkizunaren artean dialogo bat ezarriz. Alde batetik, hitzaldiek nazioarteko hainbat zine-jaialdien analisi historikoari ekingo diete eraldaketa sozial eta politiko garaikideekin dauzkaten loturak aztertuz. Bestetik, mahai-inguruek zinemaldien oraina eta etorkizunari buruzko eztabaidak garatzeko espazioa irekiko dute. Tonu dibulgatzaile baten bitartez Ikastaroa ikerlari eta zine munduko profesionalen topaketa gisa planteatzen da zinemaldien inguruko hausnarketa ikuspuntu kritiko, historiko eta konparatu batetik bultzatzeko. Helburuak

Zinema-jaialdien ikasketa kritiko eta konparatzaileari sarrera.

Zinemaldi, kultura zinematografiko eta eraldaketa historiko eta sozial garaikide nagusien arteko harremanaren ulermena.

Nazioarteko zinemaldien artxiboetan egindako ikerketak abiapuntu dituzten kasu-ikasketen bitarteko analisia.

Eztabaida eta hausnarketa zinemaldien paper politiko eta sozialaren inguruan. Jarduera nori zuzenduta- Unibertsitateko ikaslea
- Irakasleak
- Profesionalak
- Publiko orokorraPDFa eskuratu