Goizeko 10:00etatik aurrera, eskolarteko finalak jokatuko dira, eta arratsaldean hasita taldekako finalaurrekoak eta finala. Bazkaria ere egingo da. Maiatzaren 25ean, egun osoko jaia izango da Arrigorriagan; izan ere, Bizkaiko Bertsolaritzaren jaia herrian izango da. Goizean, Eskolarteko finalak jokatuko dira: 10:00etan Bizkaiko Eskolarteko idatzizko finala izango da eta 11:30ean, berriz, bat-bateko finala. Ondoren, 14:30ean, bazkaria egingo da eskolan. Bazkari-txartelak salgai daude dagoeneko helbide honetan: https://labur. eus/DBbbj. Bizkaiko Taldekakoaren finalaurrekoak bazkalostean hasiko dira eta gauera arte luzatuko dira. Lehenengo finalaurrekoa eskolan izango da 16:00etan, eta ondorengo biak kalean: bata 17:30ean eta bestea, 19:00etan. Finala, aldiz, Elizondo tabernan egingo dute 22:00etan