Uda Ikastaro honetan, zinema eta artea sentsibilizazio eta eraldaketa soziala tresnen bidez, espetxean dauden pertsonen egoera ikuspegi intimo, humanista eta feminista batetik hurbiltzen da, espetxeetako atxilotze prozesuetan bizitako esperientziekin eta sentimenduekin lotuta. Zinemak eta arteak testigantzen bidez aukera ematen digute gizarteari espetxe-ereduei eta kondenatutako pertsonen birgizarteratze-helburuari buruz hausnartzeko. Ikusiko ditugun dokumentalek isolamendu, ikusezintasun eta bazterketa sozialaren errealitate gogorrak ikuspegi estetiko eta artistikoetatik eskaintzen dituzte. Zinemaren eta artearen bidez, ikusi, entzun, sentitu eta hausnartuko ditugu askatasun-gabetzearekin pertsonen egoera. Emakume-zuzendariek preso dauden pertsonak ikuspegi humanotik erakusten dizkigute. Hezkuntza tresna den zinema-forora egokitutako ikuspegi sentipentsatzailearen metodologiatik hurbilduko diogu, emananldietara hurbildu diren guztiek gutxieneko parte-hartzea eta ekarpena izan dezaten. Film bakoitzaren inguruko hausnarketa sentipentsantearen ondoren, mahai-ingurua egingo dugu filma zuzendariekin eta gizakien eskubideen eta gizarteratzearen ikuspegitik espetxeetako errealitatea eraldatzeko bideratutako solasaldia mantenduko dugu. Helburuak
Zine-dokumentalak eta arteak espetxe-testuinguruan ikerketa parte-hartzailerako eta esku-hartze sozialerako duten ahalmena ezagutaraztea.
Dokumentala ikuspegi sentipentsante batetik erabiltzea, espetxean bizitzeari buruzko pertzepzio soziala sentsibilizatzeko eta eraldatzeko tresna gisa.
Espetxeratzeak pertsonengan dituen ondorioei buruzko begirada zabaltzea, haien birgizarteratze, barneratze eta giza eskubideak biltzatzeko aldeko gizarte-jarrerak sustatuz. Jarduera nori zuzenduta- Unibertsitateko ikaslea
- Unibertsitarioak ez diren ikasleak
- Irakasleak
- Profesionalak
- Publiko orokorra
- Gizarte-erakundeakPDFa eskuratu
Begirada feminista eta humanistak kartzelara zinedokumentalaren bidez
Gertaeraren datuak
Antolatu du
uik.eus
Non
Centro de Investigación Lascaray Ikergunea
Noiz
18/09/2020
Iruzkinak
Hasi saioa iruzkin bat argitaratu ahal izateko.