Bilboko Udalak "Clown Zorrotza" programaren edizio berri bat antolatuko du, Zorrotzako Azoka Parkean egingo diren bost ikuskizunekin. Aurten ekimenean parte hartzen duten bost konpainietako bakoitzak publiko guztiari zuzendutako ikuskizunak aurkeztuko ditu, clown-aren diziplina erabateko protagonista delarik. Hitzordu guztiak doakoak izango dira eta adin guztietako pertsonek horietaz gozatzeko pentsatuta daude. "Clown Zorrotza" ostiralean, maiatzaren 31n, inauguratuko da, 18:30ean, Zorrotzako Azokako Parkean, Teatro sobre ruedas konpainiaren "Ambicions" ikuskizunarekin. Poesia, musika eta umorea uztartzen dituen emanaldi honetan, bakoitzak bere nahiak betetzeko dituen mugei buruzko hausnarketa egingo da. 19:30ean, Cris Clown-en txanda izango da. Bere "Home" antzezlana eskainiko du, bakardadeak pertsonengan dituen efektuak ikusarazteko komedia eta drama uztartzen dituen ikuskizuna. Larunbatean, ekainak 1, jardunaldia 18:00etan hasiko da Goitibera Antzerkiaren "Eraitsi SL" lanarekin. Obra horrek obrei buruz hitz egiten du, baina eraikuntzakoei buruz eta bizi dugun orainari lotutakoei buruz. Ondoren, Cía Anna Confetti etorriko da 19:00etan, "A la fresca" ikuskizunarekin. Udako gauetan freskoa hartzera ateratzen ziren amonak ditu oinarri ikuskizun horrek, eta eguneko pasadizoak komentatuko ditu, eguneroko edozein gertaera istorio handi bihur zitekeelako. Amaitzeko, 20:00etan, Colette Gomette eta Anna De Lirium artistek "THE ONE & the one" eskainiko dute, bi izaki xaloren portaeraren arteko kontrastearen bidez giza harremanen konplexutasunak erakusten dituen emanaldia. - Clown Zorrotza 2024: egitaraua (pdf)CLOWN ZORROTZA 2024 PROGRAMAZIOAMAIATZAK 31, OSTIRALA18:30ean. Zorrotzako azoka-parkea. "AMBICIONS" - TEATRO SOBRE RUEDASEmakume biolinista bat kontzertua ematera dator. Harentzat, "tamainak garrantzia du": gero eta gehiago nahi du, gehiago ukitu, ahalik eta gehien lortu. Anbizioak hausnartzeko istorio bat da: noraino iristeko prest dago bakoitza? Poesia, musika eta umorea uztartzen dituen ikuskizuna. 19:30ean. Zorrotzako azoka-parkea. "HOME" - CRIS CLOWNBikote-errutina etxola desitxuratu eta ezegonkor batean, hala eta guztiz ere bere etxea da. Drama komediaren zerbitzura. Ikuskizun izugarria, zirraragarria eta barregarria. EKAINAK 1, LARUNBATA18:00ak. Zorrotzako azoka-parkea. "ERAITSI S. L. " - GOITIBERA ANTZERKIAEraitsi S. L. Bilbora heldu da obra berri bat egiteko. Oraindik espazio asko daude herri, parke, mendi, plaza eta abarretan obrak egiteko. Leku horietatik ez da probetxurik ateratzen eta etxeak, aparkalekuak eta azalera handiko supermerkatuak eraiki daitezke. XXI. mendea da, zementuarena, etorkizunarena. Edo agian ez. . . 19:00etan. Zorrotzako azoka-parkea. "A LA FRESCA" - CÍA. ANNA CONFETTIAulki erraldoi bat duten hiru pertsonaia freskoa hartzera irteten dira. Hitz gutxiko irudi oso komikoak sortzeko gaitasuna duten eguneroko eszenak, surrealistak aldi berean. Adin guztietako jendearentzako ikuskizuna, "Cía. Anna Confetti-k” umorearekin eta algararekin jolasean daramatzan 35 urteen bermearekin. 20:00etan. Zorrotzako azoka-parkea. "THE ONE & the one" - COLETTE GOMETTE ETA ANNA DE LIRIUMGizadiaren ispilu, obrako pertsonaiek giza harremanen gorabeherak erakusten dituzte. Gehiegizko adeitasunak, ezkutuko desirek, egozentrismoak, adiskidetasuna gaiztotzen dute. Izaki xalo horiek hunkitu eta unibertsala dena lortzen dute.