El oso de Benalúa y Sus Sabandijas taldea Granadako Chicago blues taldea da. Toni Travé du buru, estilo guztiz pertsonala duen bluesmana. Eskarmentu eta fidagarritasun handiko musikariak ditu aldean: Tony Molina gitarran, Dani Levy baxu elektrikoan eta Giggs Nother baterian, denak ere bertako eskenatokietan ongi ezagunak. Besteak beste, Fernando Beiztegui, Chino Swingslide, Richard Ray Farrell, Mingo Balaguer, Ñaco Goñi, eta abar luze baten laguntzaileak izan dira.