Nazioarteko Haur Liburuaren Eguna ospatzeko Liburu Baby Kluba online saio berri bat eskainiko da. Saio hau, apirilaren 2an, 10:00etatik aurrera, ikusgai egongo da. Liburu Baby Kluba online programako besteekin batera, ikusi ahal izango da gure Youtubeko kanaleko zerrenda honetan. Programa 0-3 urte bitarteko haurrentzako eta bere familiei zuzentzen da, irakurketa lehenengo urteetan bultzatzeko asmoz. Saio honetan Monica Graciak Hartz Arre, Hartz Arre, zer ikusmira? izeneko liburua irakurriko du. Pamiela argitaletxeari esker, Bill Martin Jr. eta Eric Carle-k idatzi eta ilustratutako liburuaz goza dezakegu. Saioa Casares-Tomasene Kultur Etxeko liburutegian grabatu da. Liburu Baby Kluba Donostia Kulturako liburutegien sareko ohiko jarduera da. 2021eko urtarriletik aurrera, programa online moduan eskaintzen da, Mestiza elkartearen eskutik. Bideoak direla eta, urtean zehar, lau argitaratuko dira, bi euskaraz eta bana gazteleraz eta ingelesez. Horietan, ipuinak eta abestiak entzuteko aukera egongo da, baita parte hartzeko ere.