Ibon RG musikariak (Sestao, 1978) bi hamarkada daramatza musikaren hainbat esparrutan. Bai kontzertuak antolatzen (Kafea eta Galletak disko forum zen hartan), bai ekoizten eta kolaboratzen (Manett, Mursego, Xabier Montoia, Le Noise…). Baina sortzaile lanetan egin du ekarpen handiena (Eten, Gargara, Plu de Mekanisms, Boz Mineralis). Hainbat musika-tresna jotzen dituen arren, IbonRG bakarkakoan ahots hutsean edota pianoak lagunduta aritu ohi da.