Leioako Umore Azoka 2024ren barruan. Zer egiteko prest egongo zinateke zure bizitza hobetzeko? Hau ez da garapen pertsonaleko edozein ekitaldi, hau ZURE EKITALDIA da: ezagutu zure potentziala eta ezagutu arrakastarako bidea maisutasunezko irakasgai paregabe honekin. Rejhud eta Glaghks zure konfiantzazko entrenatzaileek zure “looser” errealitatea aldaraziko dizute, zure kontzientzia proban jarriko duten probaz eta tentazioz betetako ikuskizun baten bidez. Bistaratu zure “winner” etorkizuna eta lortu zure helburuak zure arimaren prezio urrian.

Clown ikuskizuna, akrobaziak, tresna barregarriak eta amaiera apoteosikoa, gaur egun hain modan dauden coaching, salmenta eta garapen pertsonaleko ekitaldiak parodiatzen dituena.