2020ko ekainaren 10ean, 19:30ean, BilbaoArtek «Konfinamendua» hitzaldia proposatuko du, Francisco Javier San Martín EHUko Arte Ederren Fakultateko Artearen Teoria eta Historiako irakaslearen eskutik. Hitzaldia Art House Zineman egingo da, jardueraren egunean indarrean dagoen araudiaren arabera edukiera mugatuarekin (20 plaza aurreikusten dira). Erreserba telefonoz egin beharko da (tel. : 94 415 50 97) jardueraren egun berean, eta 9:00etatik ekitaldia hasi baino ordubete lehenago arte erreserbatu ahal izango da. Pertsonako gehienez bi eserleku erreserbatu ahal izango dira, eta horiei zenbaki bat esleituko zaie. Nahitaezko maskara erabiltzea.