Euskalduna Bilbaok bere 25. urteurrena ospatzen jarraitzen du eta oraingoan organo kontzertu ziklo bat eskainiko du. Lehenengoan, Benjamin Alard frantziarra izango da Auditoriumeko instrumentu bikaina jotzeko arduraduna. Eskarmentu handiko musikari honen talentuak goi-mailako emanaldia bermatzen du. Alard-ekin batera, Karmele Jaio izango da, errezital honetarako euskarazko eta gaztelaniazko testuak jartzeaz arduratu dena, nazioarteko fusioa sortuz, musika frantsesa eta euskal literatura uztartzen dituena, Johann Sebastian Bach-en eragin argiarekin. ‘Carnaval imaginaire’ izenpean, kontzertuaren egitarauak organoa bezalako instrumentu berezi bati bikain egokitzen zaizkion obrez betetako funtzioa sortzen du. Bach-en ‘Sonata in D Major BWV 963’, ‘all imitatio gallina cucu’ kantuarekin izango da irekiera lana, Michel Corette-ren ‘25e concerto comique’ delakoari bide eman aurretik. Kontzertuaren azken pieza eta nagusia Camille Saint-Saens-en ‘Le Carnaval des animaux’ izango da. Frantziako musikako piezarik entzunenetako bat da hau, herrialdeko kantu zaharretatik can can-eraino nahasten dituena, egile berak idatzitako ‘Danza macabra’ lanaren zati bat barne.