Gipuzkoako duatloi eta triatloi txapelketetako sari banaketa ekitaldia egin zen Donostiako Kirol Etxean, hilaren 13an eta bi herritarrek dominak jaso zituzten aurtengo jardunarengatik, Zumeatarra taldeko Aimar Sukunza Gomez eta Trinko taldeko Mikel Izagirre Aramendi. Sukunzak Zumaian lehiatutako Gipuzkoako txapelketako 23 urtez azpiko zilarra eta absolutu mailako brontzea jantzi zituen; Izagirrek, aldiz, beterano 2 mailako zilarra Gipuzkoako Duatloi txapelketan.