Adoretuak, Verde Pratoren azken diskoak, hitz-joko batetik hartzen du izenburua. "Adorea", "kemena", "ausardia" da euskal artistak kontzertu bakoitzari aurre egiteko duen jarrera. Izan ere, oholtzara igotzen den bakoitzean, Verde Pratok bakarrik egiten du, ausardiaz, adorez. Bere asmoak erakusten ditu proposamen berrian, eta bilakaera nabarmena dago egoteko, abesteko eta mugitzeko moduari dagokionez. Adoretua diskoak argia du, orain arte Verde Pratoren abestiek ez zuten argi mota bat. Hori ere bilakaera bat da, tonu tragikotik bolerora edo popera jauzi egin du. Kondaira eder hura lanak zuen batasuna alde batera utzi du, aske baina intimista hegan egiteko, esperientzia pertsonalak biltzeko eta gai unibertsalak adierazteko, hala nola, maitasuna, erotismoa, desengainua, familia, haurtzaroa eta munduarekin topaketa, bakardadea, ametsak. . . Diskoa Verde Pratok konposatu du, eta berak interpretatzen ditu kanta guztiak. Jon Aguirrezabalagak grabatu eta ekoitzi du Bilboko El Tigre estudioetan, eta Planb-rec diskoetxeak argitaratu du. Azala eta kontrazala Maria Muriedasen argazkiak dira,  eta Sahatsa Jauregi arduratu da diseinuaz.