Ikuskizun berrian, Teatro En Vilo konpainiako zuzendariek maskulinitatearen kontaera tradizionalari eta erreferenteei mozorroa kentzeko erronkari heldu diote, ironia, lotsagabekeria eta umore absurdoa baliatuz. Maskulinitatearen kode tradizionalak zaharkituta gelditu dira eta berriak lantzeko daude oraindik. Egoera horretan, Man Up antzezlanak gizon izatearen esanahiaz gogoeta egiteko gune izan nahi du, kultura-aurreiritziak zalantzan jarri eta gizon izateko modu berriak irudikatzeko lekua. Oholtza gainean, sei aktorek maskulinitatearen inauteria antzeztuko dute, gizontasun-estandarren oinarri diren kultura-erreferenteak deseraiki, berreraiki edo suntsitzera jolastuko dira. Aldi berean, munduan duten lekuaz eta norberaren identitatearen inguruan hausnartuko dute. Zuzendaritza: Andrea Jiménez, Noemi Rodríguez.
Antzezleak: Fernado Delgado-Hierro, Pablo Gallego Boutou, Alberto Jo Lee, Juan Paños, Baldo Ruiz, Andrea Jiménez, Noemi Rodríguez.
Dramaturgia: Andrea Jiménez, Noemi Rodríguez. A partir de las improvisaciones realizadas con los actores.
Eszenografia: Mireia Vila Soriano.
Jantziak: Yaiza Pinillos.
Soinuaren diseinua: Nacho Bilbao.
Koreografia eta Mugimendu eszenikoa: Amaya Galeote.
Argiztapena: Miguel Ruz Velasco.
Zuzendaritzaren laguntzailea: Juanma Romero Gárriz.
Konpainia: Teatro en Vilo.
Produkzioa: Centro Dramático Nacional.